تقديم اللجوء من مطار سان فرانسيسكو ( بعد منعي من الدخول الى امريكا )

الاخبار بشكل سريع

للحصول على الاخبار بشكل سريع يمكنكم الاشتراك بالصفحة الرئيسية للموقع على فيس بوك اضغط هنا

السلام عليكم ورحمة الله وبركاته

راح اقولكم قصتي من اول وصولي الى مطار سان فرانسيسكو ( طبعا مااقولكم اني فعلا ندمت اني نزلت على هذا المطار )

طبعا وصلت بتاريخ 11/07/2016 الساعه 1 ظهرا طبعا وقفنا طابور لتختيم الجوزات (مع العلم انه تم تشيك على الفيزا والجوازات في مطار دبي ) وصلنا الى موظف الحدود انا وزوجتي وابنتي الصغيره وعندي مولود عمره 4 اشهر معه الجواز الامريكي طبعا الموظف شاف جوازي انا وزوجتي وابنتي الصفيره وطلب اننا نبصم وبصمنا فحولنا الى مكتب الهجره رحنا مكتب الهجره وانتظرنا فطلعوا موظفين الحدود اي شخص عربي منعه من الدخول وتحويله الى مكتب الهجره تم ندائي هناك انا وعائلتي وبدأ بتحقيق معي لوحدي :
ماغرض زيارتك ؟ سياحه
انت تكذب انت قادم للهجره ؟ لا انا جاي سياحه وبقيت مصر على السياحه (وفي الحقيقه انا قادم للجوء بس كنت ابي ادخل وارتب نفسي وبعدين اقدم بس شاء الله ان اقدم في المطار )
طبعا ماكان معي اغراض كثيره ابدا ولا اي شيء يثبت على اللجوء بس هم اي شخص من اي بلد عربي فيه حرب ومشاكل مايدخلونهم لاننا كلنا في الانتظار عرب وخليجين
بعد تحقيق طويل وتفتيش اغراضي كامل قال لي ممنوع دخولك لامريكا ارجع بلدك رفضت الرجوع قلت راح اقدم على اللجوء وقدمت عليه انا وزوجتي وبصمنا هناك بعد الانتهاء من التحقيق معي وعن سبب اللجوء تم تحقيق مع زوجتي بمفردها طبعا جلسنا 5 ساعات في المطار وانا ممنوع اني اشوف اولادي وزوجتي الى بعد تحقيق مع الزوجتي وبعدها صارو يتاكدون من اقوالي واقوال زوجتي اذا كان هناك اختلاف سوف نمنع من الدخول لامريكا والحمدالله اقوالنا كانت مطابق وطبعا حجزونا في المطار يوم كامل بعدها جهزوا لنا ملف فيه جميع اقوالنا واعطوني هذا الملف وقالوا لي شوف لك محامي يتابع موضوعك وبعد ماكملنا 24 ساعه واحنا في المطار اخذوني انا وعائلتي في سيارة الشرطه الى مكتب الهجره وعملت مقابله سالني ليش مقدم على اللجوء رديت اليمن حرب ومشاكل ومااقدر اجلس فيها ( مع العلم اني مقيم بسعودية ولا جبت طاريها ابدا ولا سالوني عنها الى في المطار ليش تركت السعودية قلتلهم عندي اقامه مؤقته ومااقدر اجلس فيها وهناك سعوده ) وبعدها اطلقوا سراحي ورحت منظمه ركبت لي جهاز برجلي يراقبوني اني مااطلع برى سان فرانسيسكوا وضواحيها وكل شهر عندي موعد في الهجره وكل اسبوعين لازم اروح مكان الي عملوا لي الجهاز طبعا اخذوا جوازاتنا واعطوني فقط جواز الولد الامريكي .
الحين عندي مشكلة السكن مااقدر اخذ شقه باسمي وجالس ادور على شقق ولقيت شخص راح يحطها باسمه وحصلت الشقق بس الشركات ترفض لازم الشخص يكون ساكن معنا
ياريت تشوفون حل لي ؟؟؟ ومااقدر اطلع من ضواحي سان فرانسيسكو والايجارات غاليه ؟ وبرضوا ماعندي اوراق رسميه ولا جوازات ؟ وش الحل
طبعا انا مختصر القصه

الخبر كاملا هنا: تقديم اللجوء من مطار سان فرانسيسكو ( بعد منعي من الدخول الى امريكا )

ما هو تعليقك أنت؟
انشر الموضوع

اعلام فوري بالاخبار الجديدة .. ضع بريدك